महाराष्ट्र पोलीस अकादमी, नाशिक ही महाराष्ट्र पोलीस दलाची शिखर पोलीस प्रशिक्षण संस्था सन 1906 पासून कार्यरत आहे.  या संस्थेत परिविक्षाधीन पोलीस उपअधीक्षक व प्रशिक्षणार्थी पोलीस उपनिरीक्षक यांना पोलीस कामकाजाचे मुलभूत प्रशिक्षण अनुभवी पोलीस अधिकारी व विधी निदेशक यांच्याकरवी दिले जाते.  मुलभूत प्रशिक्षणामध्ये आंतरवर्ग प्रशिक्षणा बरोबरच बाह्यवर्ग प्रशिक्षण देखील दिले जाते.  या दोन्ही प्रकारच्या प्रशिक्षणाकरीता महाराष्ट्र पोलीस अकादमीकडे अत्याधुनिक व दर्जेदार पायाभूत सुविधा उपलब्ध आहेत.  या संस्थेकडून भारतीय पोलीस सेवेतील नव्याने रुजु झालेल्या पोलीस अधिकाऱ्यांना स्थानिक कायदे व इतर अनुषंगिक विषयाचे प्रशिक्षण दिले जाते.  गोवा राज्यातील पोलीस अधिकारी तसेच महाराष्ट्र शासनाचे वन खाते, राज्य उत्पादन शुल्क विभाग, प्रादेशिक परिवहन विभाग इत्यादी विभागांच्या अधिका·यांना देखील या संस्थेत मुलभूत प्रशिक्षण दिले जाते.

        महाराष्ट्र पोलीस अकादमीमध्ये अत्युच्च दर्जांचे प्रशिक्षण दिले जाते.  त्यामुळे महाराष्ट्र पोलीसांच्या लौकिकात भर घालणारे अधिकारी महाराष्ट्र पोलीस दलास या प्रशिक्षण संस्थेतून मिळाले आहेत.  प्रशिक्षणाची ही उच्च कोटीची परंपरा अशीच पुढे चालू राहील याची मी महाराष्ट्र पोलीस अकादमीचा संचालक म्हणून ग्वाही देतो.

 जय हिंद  !

(राजेश कुमार)

संचालक,

महाराष्ट्र पोलीस अकॅडमी, नाशिक